Rrjeti i Qëndrave të Shërbimit për Migrantët ofron shërbim informacioni, këshillimi dhe referimi për migrantët dhe emigrantët e mundshëm në Shqipëri,  Kosovë,  Bosnje dhe Hercegovinë, Kroaci, ish -Republikën Jugosllave të Maqedonisë, Mal të Zi dhe Serbi.

Ju mund të gjeni informacion për punë dhe për mundësi studimi jashtë vëndit si dhe për proçedurat për marrjen e vizave, lejet e punës dhe të qëndrimit, për të aksesuar sistemin e përkujdesit shëndetësor, arsimor, si dhe informacione të tjera që ju duhen kur mendoni që të lëvizni jashtë vëndit. Informacioni ofrohet në formën e Paketave Informuese për Shtetet, të cilat ju mund ti hapni nga faqja jonë e internetit ose ti merrni direkt nga Punonjësit nëpër Qëndra.

Nëse mendoni të ktheheni nga jashtë drejt vëndeve të përmendura me lart ose thjesht jeni në kërkim të mundësive, punonjësit e Qëndrave të Shërbimit mund t’ju ofrojnë informacion për shërbimet lokale, si trajnime profesionale, kurse informatike dhe kurse për gjuhë të huaj, asistence për ngritjen e bisneseve të vogla dhe asistencë riintegrimi sipas kërkesave individuale.

Qëndrat e Shërbimit për Migrantët do të organizojnë gjithashtu kurse trajnimi dhe seanca këshillimi mbi tema të veçanta që paraqesin interes – për me shumë informacion shikoni sesionin Mundësitë e Trajnimit në faqen tonë të internetit. Për detajet e kontaktit të Qëndrave klikoni këtu.

Qëndrat e Shërbimit për Migrantët janë pjesë e projektit që drejtohet nga Organizata Ndërkombëtare për Migracionin (IOM) në bashkëpunim me Organizatën Ndërkombëtare të Punës (ILO) dhe financohet nga Komisioni Evropian, Zyra Federale Zvicerane për Migracionin dhe Zyra Federale Gjermane për Migracionin dhe Refugjatët.

Veç dhënies së shërbimeve të drejtpërdrejta për migrantët dhe emigrantët e mundshëm, projekti do të përqëndrohet edhe në ngritjen e kapaciteteve të autoriteteve lokale për zhvillimin e politikave të migracionit për motive punësimi dhe praktikave të mira, si vende dërguese dhe pritëse.

Për më tepër, do të kryhet një studim mbi migracionin e rregullt nga vëndet e Ballkanit Perendimor, i cili do të bëjë analizën e mundësive të emigracionit nga rajoni si dhe tendencave aktuale të migracionit.

Rezultatet dhe produktet e projektit kanë për qëllim të shërbejnë si rekomandime për politikat dhe të nxjerrin në pah sfidat që kanë përpara këto qeveri dhe migrantët për optimizimin e përdorimit të rrugëve ligjore të migracionit dhe minimizimin e risqeve që vijnë nga lëvizjet e parregullta.

Për një përshkrim të plotë të projektit hapni faqen Informacion mbi Projektin dhe kërkoni seksionin Partnerë dhe Bashkëpunëtorë